Siç mund ta dini, telefonat Pixel prodhohen nga HTC. Kompania tajvaneze si duket ka dërguar më shumë se 2.1 milion njësi të Pixel dhe Pixel Xl tek Google, që nga lansimi i tyre në vjeshtë të 2016.
Ky numër është mbreslënës në krahasim me pajisjet Nexus, mirëpo nëse e krahasojmë me shitjet e Apple ose Samsung, atëherë duket qesharake.
Mirëpo, duke pasur parasysh se Pixel është i mundshëm për blerje vetëm në disa shtete, mund të jetë një mrekulli e vogël që Google ka arritur të shesë më shumë se dy milionë pajisje.
Sipas raportit të njejtë nga një gazetë kineze, HTC është duke e prodhuar edhe Pixel 2. Në anën tjetër, tri kompani janë duke luftuar për të marrë kontratën për Pixel 3 të 2018. Këto kompani janë LG, TCL dhe Coolpad.
Deri tani, duket sikur LG ka ofertën më të mirë ndërkohë që shitjet për modelet Pixel 3 pritet të arrijnë në 5 milionë njësi.
