Konventa dy ditore e PDK’së përfundon sot, e siç ka raportuar gazetametro.net dje, ajo do të mbyllet me nominimin e kryetarit të kësaj partie, Kadri Veselit, për kryeministër.
Konventa e Partisë Demokratike të Kosovës ka nisur dje, e sot do të mbajë edhe ditën e dytë, në të cilën pritet të bëhet publik nominimi i Veselit për të kandiduar për kreun e Qeverisë, e më pas PDK’ja do të mbajë një ceremoni festive me anëtarët e simpatizantët e saj.
Gjatë punimeve të ditës së djeshme në këtë Konventë, PDK’ja ka nxjerrur një deklaratë me të cilat tregon gatishmërinë për të shkuar në zgjedhje të parakohshme, shkruan gazetametro.net.
Ndërkaq, për shkuarjen në zgjedhje zërat janë ngritur pas një acarimi të raporteve të partive në koalicionin qeverisës, LDK-PDK.
Ndryshe, Kadri Veseli erdhi në krye të PDK’së në Konventën e vitit të shkuar të kësaj partie.
