Presidenti i Kosovës, Hashim Thaçi, në një kolumne për mediumin amerikan “Politico.eu”, në edicionin e Europës, ka folur për bashkëpunimin e NATO-s me Kosovën dhe gatishmërinë e vendit për të krijuar forcën e saj
Presidenti Thaçi ka shkruar në kolumnen e tij se NATO-ja do ta ketë fjalën kryesore për sigurinë në Kosovë edhe pas formimit të ushtrisë.
“Ne po fillojmë një rrugëtim që do të marrë vite të bashkëpunimit me partnerët tanë dhe rezultati i këtij udhëtimi do të jetë një forcë e mbështetur plotësisht në praktikat, teknologjitë dhe trajnimet e NATO-s”, ka thënë Thaçi.
Presidenti Thaçi ka theksuar se NATO sot do të vazhdojë të ketë “mandate ekzekutive” në çështjet e sigurisë në Kosovë, por njëherësh edhe ne do ta rrisim kontributin tonë drejt këtij qëllimi.
Presidenti në fund të kolumnes së tij, të cilën Gazeta Express do ta sjellë së shpejti të përkthyer të plotë, u bën thirrje të gjitha shteteve anëtare të NATO-s për ta vazhduar financimin dhe trajnimin e Forcës së Sigurisë së Kosovës me trajnime të nevojshme për t’u siguruar që forca e re e sigurisë do të mundë ta mbajë Kosovën vend të sigurt.
