Një grua nga Maryland e SHBA-së është dënuar me 50 vite burg për shkak se i kishte dhënë të birit 5-vjeçar një mbidozë fatale të antihistamine-s, para se t’ia vinte zjarrin makinës në të cilën ndodhej fëmija i vet.
Mediat amerikane raportojnë se para se të dënohej, Narges Shafeirad, 35-vjeçare, foli për shkurorëzimin e saj të hidhur dhe luftën për ta fituar kujdestarinë e fëmijës, transmeton Express.
Në muajin korrik të vitit që lamë pas, ajo u deklarua fajtore për vrasje të shkallës së parë të Daniel Dana.
Autopsia ka zbuluar se Daniel vdiq nga mbidoza e diphenhydramine-s në vitin 2015, pasi, siç kanë thënë prokurorët, e ema e kishte detyruar atë që të gëlltite ilaçe me përmbajtje të antihistamine-s./Express/
- Advertisement -
