Presidenti serb Tomislav Nikoliq ka thënë në Këshillin e Sigurimit të Organizatës së Kombeve të Bashkuara se Serbia nuk do ta njohë Kosovën.
“Edhe një herë dua të jem i qartë, Serbia nuk do ta njohë Kosovën për çdo gjë që mund të na ofrohet në këmbim, dhe me çfarëdo presioni që do t`i ekspozoheshim”, tha kreu i shtetit serb në seancën e KS të OKB-së ku po diskutohet raporti për Kosovën, njofton Klan Kosova.
Ai njëherit i ka bërë thirrje komunitetit ndërkombëtar për të ndikuar në institucionet në Prishtinë në mënyrë që të formojnë Asociacionin e Komunave Serbe.
- Advertisement -
