Të shtunën mbrëmje, kryetari i Komunës së Drenasit, Ramiz Lladrovci ka takuar banorët e fshatit Fushticë e Epërme për të ju treguar se kërkesat e tyre dhe premtimet e tij, shumë shpejt do të behën realitet.
Lladrovci u ka kumtuar lajmin, se fshati i tyre do të behën me shkollë të re, kërkesë kjo e kamotshme e banorëve, projekt i cili do të financohet nga Ministria e Arsimit. Po ashtu banorët e fshatit Fushticë e Epërme i janë gëzuar lajmit se projekti për asfaltimin e segmentit të rrugëve të këtij fshati do të financohet nga Ministria e Infrastrukturës, kurse pjesa e papërfunduar e kanalizimit të fshatit do të përfundojë po ashtu gjatë këtij viti. “Me angazhimin e kryetarit Veseli dhe nivelit qendror, premtimet për ngritjen e mirëqenies së banorëve të këtij fshati do të realizohen”, ka thënë kryetari Lladrovci.
