Nisma për Kosovën ka reaguar në lidhje me vendimin e gjykatës franceze për lirimin me kusht të liderit të AAK-së, Ramush Haradinaj.
Nisma ka shprehur shqetësimin që Haradinaj nuk u liruar plotësisht, por vetëm më kusht, derisa ka kërkuar përshpejtim të procedurave për lirimin e plotë të tij.
Reagimi i plotë i Nismës për Kosovën:
NISMA për Kosovën shpreh shqetësimin e saj në lidhje me vendimin e sotëm të autoriteteve gjyqësore franceze, që kryetari i AAK’së, z. Ramush Haradinaj, të mos kthehet në Kosovë, por vetëm të lirohet me kusht.
NISMA për Kosovën beson fuqishëm se mbajtja e kryetarit të AAK’së, z. Ramush Haradinajt në Francë dhe ky proces kundër tij i iniciuar nga një fletarrest i Serbisë, është plotësisht i padrejtë, dhe si i tillë do të marrë përgjigje shumë shpejt në favor të z. Haradinaj.
NISMA për Kosovën kërkon nga organet e drejtësisë në Francë që të përshpejtojnë procedurat dhe t’i japin fund çfarëdo mase kundër z. Ramush Haradinaj.
