Qeveria e Serbisë ka emëruar sërish ushtrues detyre të drejtorit i të së ashtuquajturës Zyrë për Kosovën Marko Gjuriqin në periudhën për tre muaj, njoftojnë media serbe.
Për ushtrues detyre të zëvendësdrejtorit në këtë zyrë, janë emëruar për tre muaj Zhelko Joviq, Dushan Kozarev dhe Damjan Joviq, transmeton Koha.net.
Dejan Paviçeviq, në periudhën për tre muaj, sërish është emëruar oficer për lidhje në misionin e BE-së në Kosovë e njëkohësisht edhe ushtrues detyre i ndihmësdrejtorit për Zyrën e Kosovës.
Për ushtrues detyre të ndihmësdrejtorit për tre muaj – Sektorit për përkujdesje kulturore në Kishën ortodokse serbe, është emëruar Dushan Jovoviq.
Drejtori në pension i Agjencisë informative ushtarake Dragan Vladisavleviq sërish është emëruar në detyrën e ushtruesit të detyrës në procesin negociues me Kosovën.
