Një makinë Mitsubishi Pajero doli nga rruga në fshatin Zall-Strikçan në Bulqizë, si pasojë e ngricës në rrugë.
Policia mori njoftim se rreth orës 10:00 në rrugën dytësore që të çon tek centrali automjeti me targë AA 091 JE që drejtohej nga sN.V ku udhëtonin 5 shtetas si pasagjerë përfundoi jashtë rrugës.
Si pasojë e daljes nga rruga janë dëmtuar jashtë rrezikut për jetën 5 pasagjerët ku D.Z 41 vjeç, është dërguar në spitalin e Peshkopisë për ndërhyrje më të specializuar.
Ndërsa katër të tjerët A.V, 57 vjeç, O.S, 30 vjeç, S.R 23 vjeç dhe D.R 17 vjeç po marrin mjekim në spitalin e Bulqizës pasi kanë marrë dëmtime të lehta.
Në vendngjarje ndodhet grupi hetimor ku nga veprimet paraprake rezulton se shkaku i daljes nga rruga ka qenë akulli në rrugë.
Policia thotë se vijojnë veprimet në vendngjarje nga grupi hetimor. /Gazeta Express/
