Agim Zeka lë Skënderbeun dhe kalon te Monaco në Francë.
Sulmuesi 18-vjeçar që është edhe pjesë e Shqipërisë U-19 do të luajë 6 muajt e parë për ekipin e të rinjve të Monacos dhe verën e ardhshme do t’i bashkohet skuadrës së parë.
Lajme ende të pakonfirmuara zyrtarisht nga klubi i Skënderbeut bëjnë me dije se klubi francez ka paguar 300 mijë euro për të blerë kartonin e sulmuesit të talentuar, transmeton newsport.
Agim Zeka ishte pjesë e Skënderbeut U-19 gjatë sezonit të shkuar dhe këtë vit është aktivizuar me ekipin e parë në Superligë, duke rënë në sy të menaxherëve që tashmë e kanë nisur drejt Francës.
