Xhavit Drenori sot ka zhvillu një takim me kandidatin për kryetar të Drenasit, Isa Xhemajlaj, ku ka propozuar një ofertë bashkëpunimi.
Drenori ka gjashtë kërkesa për Isë Xhemajlaj, në këmbim të përkrahjes së tij, në balotazhin që mbahet më 18 dhjetor.
1. Hulumtimin e të gjithë dosjeve të mësimdhënësve nga një komision i përbërë nga Kuvendi Komunal, shoqëria civile dhe drejtorati i Arsimit në Drenas.
2. Të dërgohet kërkesë zyrtarë për lirimin e pronave komunale brenda marsit të 2017-ës.
3. Ndalimi I përkohshëm I ndërtimeve të larta derisa të harmonizohen të gjitha rregulloret dhe planet urbanistike të qytetit të Drenasit
4. Thirrja para përgjegjësisë për operatorët ekonomik dhe zyrtarët komunal për projektet e realizuara jashtë përmasave
5. Ristrukturimi i stafit mjekësor, funksionalizimi i shërbimeve emergjente 24 orësh në qendrën e mjekësisë familjare në Komoran
6. Inicimi i debatit për referendum të qytetarëve të Komoranti, për hapjen e kryqit të Komoranit, përkatësisht ndërtimin e një rreth-rrotullimi.
Drenori ka shkruar se edhe në rast të nënshkrimit të marrëveshjes për qeverisje lokale, më së largu deri nesër në ora 12:00, nuk do të jetë pjesë e qeverisjes lokale.
Më poshtë mund të lexoni dokumentin e plotë se çfarë kërkon Drenori nga kandidati i NISMA-s, Isa Xhemajlaj në këmbim të përkrahjes së tij. /Drenica Press/
