Pranë trupit të pajetë të 22-vjeçarit, Valon Sadikut, është gjetur edhe një shufër metalike. Kështu bëjnë me dije burime të Gazetës Express, brenda hetuesisë në Mitrovicë.
Trupi i pajetë i viktimës tashmë është larguar nga vendi i ngjarjes. Ndërkohë që një person është arrestuar nga ana e Policisë së Kosovës.
Babai i viktimës Valon Sadiku, Abedini, ka folur për Gazetën Express, rreth ngjarjes. Ai ka thënë se i njohin të dyshuarit që ia vranë djalin.
Sipas tij, djalin ia qëlloi nxënësi Valdrin Beqiri nga Bajgora, bashkë me një të afërm të tij.
