Është edicioni i tretë me radhë që u organizua nga Asociacioni i letrarëve dhe artistëve ART CLUB ,,Rifat Kukaj” Drenas
Ky manifestim letrar mbahet për të përkujtuar jetën dhe veprën e poetit të njohur drenicas, Rifa Kukaj.
Në këtë ngjarje të rëndësishme letrare, që u mbajt në Shkollën e Mesme Profesionale ,,Fehmi Lladrovci” në Drenas, morën pjesë shkrimtar dhe artistë të ndryshëm, përfaqësues nga drejtoria për Kulturë, Rini dhe Sport të Komunës së Drenasit, përfaqësues të Kuvendit Komunal të Drenasit, biznesmen si dhe një numër bukur i madh i qytetarëve të thjeshtë që shprehen interesim për këtë ngjarje kulturore, njofton drenicapress.info
Programi i manifestimit nisi me Tryezën tematike për jetën dhe krijimtarinë letrare të shkrimtarit Avdi Shala, për të vazhsuar më tej me orën poetike ,,Rifat Kukaj” dhe ndarjen e çmimeve të konkursit, si dhe ekspozitën e artit figurativ.
Kjo ngjarje e rëndësishme kulturore u përmbyll me një drekë tradicionale. /Drenica Press/
