Gjermania do të shkurtojë ndihmat sociale për qytetarët e vendeve të tjera të Bashkimit Evropian në bazë të një projektligji që pritet të miratohet nga kabineti javën e ardhshme, sipas burimeve të kabinetit.
“Emigrantëve të BE-së do t’u bëhen të ligjshme pagesat e sigurimeve shoqërore vetëm pas pesë vjetësh, sipas ligjit që është rënë dakord nga palët në qeverinë gjemane të koalicionit”, njoftoi sot grupi mediatik “Funke”.
Qëllimi është që të parandalojnë emigrantët, sidomos nga Evropa Lindore, që vijnë në Gjermani pa perspektiva serioze për të gjetur një punë por vijnë me qëllimin e pastër për të jetuar jashtë sistemit gjerman të ndihmave, relativisht bujar.
Ministri gjerman i Punëve Sociale, Andrea Nahles i Partisë Socialdemokrate (SPD), partneri i vogël në qeverinë e kancelares gjermane, Angela Merkel, ka propozuar projektligjin vitin e kaluar.
Projektligji i përgjigjet pjesërisht një vendimi gjykate që vërteton se emigrantët kanë të drejtë të të gjitha të mirave vetëm pas gjashtë muajsh. /trt/
