Qetësia sundonte në Siri, disa orë pas hyrjes në fuqi të një armëpushimi të filluar nga Moska dhe Uashingtoni, sipas reporterëve në terren.
Bombardimet u ndërprenë gjithashtu në Halep, të ndarë në dy që prej korrikut 2012, ku në lindje ndodhen lagjet opozitare dhe në perëndim lagjet që kontrollohen nga regjimi.
Regjimi i Beshar Esadit ka dhënë miratimin e tij ndaj marrëveshjes së arritur të premten nga SHBA-ja dhe Rusia, dhe njoftoi ngrirjen e operacioneve të tij ushtarake në gjithë territorin për shtatë ditë.
Nga ana tjetër, opozita e dobësuar në terren, ende nuk kanë dhënë miratim formal dhe ka kërkuar më shumë garanci nga aleati i tyre amerikan, ndërkohë që sundon skepticizmi mbi këtë armëpushim të ri.
