Letrari dhe publicisti, Jusuf Buxhovi, në profilin e tij në “Facebook” ka ri-postuar një shkrim rreth klasës politike në Kosovë.
Ai thotë se vendit tonë i duhet një forcë e re politike, e ngjashme me lëvizjen kombëtare të fundviteve të tetëdhjeta dhe të nëntëdhjeta e drejtuar nga intelektualë idealista deri në fanatizëm të jetësojë projektin e shtetit të Kosovës.
Me këtë kthesë të madhe historike, sipas Buxhovit, do të heqje nga skena e tanishme gjithë klasa politike e kriminalizuar.
“Skajshmërisht (pozitë-opozitë), e cila, si po shihet, shkatërrimin e vendit nga çdo pikëpamje e për të cilën mban përgjegjësinë e plotë, po mundohet ta mjegullojë me kauza të rreme patriotike dhe mashtrime të tjera, me të cilat po ballafaqohemi prej më shumë se një viti, paçka se kështu po u jepen argumente kundërshtarëve të shtetit të Kosovës që ai të shihet i dështuar dhe madje rrezik për rajonin!…Historia nuk do të na falë nëse në vend të alternativave demokratike edhe më tutje do të ngarendim nga një kriminel te tjetri”, ka shkruar ai.
