Një aeroplan pasagjerësh me 118 persona në bord ka dalë 400 metra nga pista në Ufa të Rusisë. Edhe pse askush nuk u lëndua, pasagjerët e përshkruan gjithçka iu ndodhi si të tmerrshme.
Aeroplani i KrasAvia airlines po udhëtonte nga Soçi në Ufa, por në momentin e zbritjes ka pasur stuhi, çka edhe ka vështirësuar uljen e tij.
Raportohet se krahu i majtë i aeroplanit është dëmtuar, ndërsa pasagjerët kanë zbritur me ulërima.
“Në fillim fluturuam për rreth 1 orë mbi parqet e qytetit për shkak të një stuhie. Avioni shkonte sa në njërën anë, në tjetrën. Ishte e frikshme”, shkruan një nga pasagjerët në Instagram.
“Fëmijët ulërinin dhe qanin teksa aeroplani filloi të ulej me vështirësi, të gjithë ishim të tmerruar”, tha një tjetër pasagjer.
Në videon e publikuar nga RT, shihet momenti i daljes së aeroplanit nga pista, por edhe kur evakuohen pasagjerët.
Kanë qenë të shumtë pasagjerët që janë bërë reporterë të ngjarjes duke postuar në rrjetet sociale foto e video.
‘Po tallesh gjë, po nëse bie zjarr do vazhdosh të bësh foto”, dëgjohet zëri i një gruaje teksa i tërheq vëmendjen një tjetër personi që me sa duket bënte video e foto.
https://www.youtube.com/watch?v=5bzXn9DSfuo
