Skuadra e drejtuar nga Zinedine Zidane, ka arritur të “pushtojë” sërish Evropën, duke mundur Sevillën me rezultat 3:2 në finalen e zhvilluar në Norvegji.
Real Madridi në këtë ndeshje u paraqit me shumë mungesa, përfshirë edhe BBC-në.
Por, edhe përkundër mungesave, “mbretërit” e nisën më mirë takimin duke kaluar në epërsi me anë të Asensio, që shënoi një gol të bukur në minutën e 21’.
Sevilla arriti të rikthehet në lojë, duke përmbysur rezultatin.
Fillimisht në minutën e 41’, barazoi Vazquez, ndërsa në minutën e 72’, Konoplyanka shënoi nga penalltia për 1:2.
Kur po pritej fishkëllima e fundit e gjyqtarit, Sergio Ramos doli në skenë për të shpëtuar Realin, duke shënuar në minutën e 93’ për 2:2.
Goli i Ramosit, dërgoi skuadra në vazhdime dy herë nga 15 minuta.
Në minutat e fundit të pjesës së dytë të vazhdimeve, Reali arriti të shënoi golin e tretë dhe të fitores, me anë të mbrojtësit Carvajal.
Ky është titulli i tretë i Superkupës së Evropës për Real Madridin.
https://www.dailymotion.com/video/x4honcc_real-madrid-3-2-sevilla-hd-all-goals-full-highlights-uefa-super-cup-09-08-2016-hd_sport
