Drejtoria e Inspeksionit pas marrjes së informacionit përmes mediave (pasi që nga banorët nuk ka pasur ankesë apo njoftim), inspektorët kanë dal në vendin e ngjarjes dhe përmes kompanisë së kontraktuar ka bërë largimin e dy kafshëve të ngordhura, të cilat janë hedhur nga persona të panjohur në një përrua në Shtrubullovë të Drenasit, përkatësisht në vendin e quajtur Lugu i Arave.
Kafshët janë groposur në një hapësirë-pronë komunale. Lusim qytetarët e Komunës së Drenasit që për çdo rast të bashkëpunojnë me Drejtorinë e Inspeksionit, për raste të tilla apo të ngjashme të njoftojnë këtë Drejtori, edhe rreth personave të pandërgjegjshëm që bëjnë shkelje ligjore dhe rrezikojnë shëndetin e qytetarëve- thuhet në njoftimin e Komunës së Drenasit të cilin e transmeton Drenica Press.info
