Familjarët e 14-vjeçares Sabina Sulaj, e cila u vra gjatë sulmit më armë në Mynih, pak ditë më parë, falenderojnë të afërmit, miqtë dhe shokët për mbështetjen që u kanë dhënë për të kaluar dhimbjen e madhe të humbjes së vajzës së tyre.
“Faleminderit të afërmve, miqve dhe shokëve tanë, të cilët ndanë me ne dhimbjen tonë për vdekjen tragjike të parakohshme të vajzës sonë.
Faleminderit që na mbështesni dhe na jepni forcë për të kapërcyer këtë dhimbje të papërshkruar, që helmoi zemrat tona”- thuhet në mesazhin e familjes Sulaj.
