“Unë jam i vetëdijshëm për problemet e arsyeshme që i keni pas gjatë realizimit të projektit, por më duhet të ju them se tani kur pllakat kanë arritur, vonesat e fundit janë të pa arsyeshme. Unë kërkoj nga ju që të mobilizoheni dhe të përfundoni punët sa më shpejt, duke përfshi këtu edhe ato të instalimit të dritave dhe të ngjashme”, tha kryetari Bahtiri.
Ndonëse ka mbetur edhe pak hapësirë për tu mbuluar me pllaka, kryetari i komunës, Agim Bahtiri, I ka inspektuar sërish punimet në shëtitoren kryesore të qytetit, me ç’rast para përfaqësuesve të Kompanisë “Jehona”, nga Malisheva që po i kryen punët, ka shpreh pakënaqësinë e tij për shkak të vonesës për përfundimin në tersi të projektit.
“Unë jam i vetëdijshëm për problemet e arsyeshme që i keni pas gjatë realizimit të projektit, por më duhet të ju them se tani kur pllakat kanë arritur, vonesat e fundit janë të pa arsyeshme. Unë kërkoj nga ju që të mobilizoheni dhe të përfundoni punët sa më shpejt, duke përfshi këtu edhe ato të instalimit të dritave dhe të ngjashme”, tha kryetari Bahtiri.
Përfaqësuesit e Kompanisë “Jehona”, thanë se punët për shtruarjen e pllakave do të vazhdojnë të mërkurën, ndërsa që presin në ndërkohë të arrin edhe pllakat e fundit për pjesën e vogël që ka mbetur në qendër të qytetit.
Ata e njoftuan kryetarin Bahtiri edhe për disa probleme të vogla që kanë lindur në ndërkohë në kanalizimin e ujërave atmosferikë dhe në pjesën ku duhet të ndahet për parkim të auto-taksive.
Kryetari Bahtiri tha se do t’i angazhoj që sot ekspertët e komunës, për të identifikuar problemet dhe për të marrë masat e nevojshme për evitimin e tyre.
