Gjigandi korean i elektronikës Samsung njoftoi javën e kaluar se fitimi për tre mujorit e dytë të 2016-tës pritet të shënojë rrijte me 17.4 % krahasuar një vit më parë dhe mund të rezultojë më e larta në dy vite nxitur nga shitjet e Galaxy S7-tës.
Prodhuesi numër një i paisjeve mobile në botë tha se fitimi përgjatë periudhës Prill-Qershor mund të arrijë në 8.5 trilion uon ose 7 miliard dollar. Hera e fundit që Samsung shënonte të tilla shifra rekord fitimi ishte fillimi i 2014-tës ku kompania llogariste një fitim prej 8.5 trilion uon.
Edhe pse Samsung nuk ka ofruar akoma një raport zyrtar lidhur me çështjen, një indikator pozitiv është padyshim rritja e vlerës së aksioneve me 1.7 %. Dhe duke pasur në konsideratë spekulimet e fundit se Apple iPhone do të ngelet pothuajse i pandryshuar edhe këtë vit, Samsung ka shansin më të mirë për të ruajtur këtë ritëm përballe Apple dhe rivalëve të vegjël kinez.
2015-ta ishte një vit për tu harruar nga Samsung ndërsa iPhone 6 thyente rekorde shitjeje dhe Huawei u ngjit në skenë si një lojtar madhor tashmë. Por gjërat filluan të ndryshonin me Galaxy S7-tën produkt i cili pritet të stabilizojë financat për Samsung për herë të parë që prej tre vitesh. (PCWorld Albanian)
