Mesfushori i Juventusit, PaulPogba, i cili u kualifikua në finale të Euro 2016 me Francën, ka zgjedhur Manchester Unitedin, fanellën e të cilës dëshiron ta vesh sezonin e ardhshëm.
‘L’Equipe’, raporton se 23 vjeçari ka vendosur që të punojë me Jose Mourinhon në ‘Old Trafford’ sezonin e ardhshëm.
“Pogba u ka thënë shokëve të tij te përfaqësuesja e Francës se ai dëshiron të rikthehet në Angli te Manchester Unitedi”, shkruan L’Equipe.
Pogba u largua nga Unitedi në verën e vitit 2012, kur Sir Alex Fergusoni ishte trajner i ‘Djajve të Kuq’.
Gjatë kësaj kohe, ai është rritur shumë si lojtar, duke u shndërruar në njërin prej mesfushorëve më të mirë në botë. Pogba do t’u kushtojë ‘Djajve të Kuq’ afër 120 milionë euro.
- Advertisement -
