Ministria për punë të brendshme informon se policia i ka njohur disa persona të cilët gjatë protestës së fundit kanë bërë dëmtimin e Ministrisë së drejtësisë, ndërsa disa nga to me ngjyrë e kanë dëmtuar monumentin e „Prometeut“, transmeton Telegrafi Maqedoni.
Sipas MPB, dëmtimet e objekteve të Ministrisë së drejtësisë dhe të Kuvendit të Republikës së Maqedonisë, si dhe të monumentit “Prometeu” janë të fotografuar, ndërsa janë përpiluar edhe procesverbale dhe albume me fotografi.
“Protesta është xhiruar, janë marrë video materiale dhe fotografi nga burime të lira të dhënash (internet) dhe është përpiluar një CD me video xhirime. Nga ana e zyrtarëve policorë pranë SPB Shkupit të cilët kanë qenë zyrtarisht të angazhuar për sigurimin e protestave, janë njohur disa persona të cilët kanë kryer dëmtim të objekteve”, njoftojnë nga MPB e Maqedonisë
Për procedim të mëtejmë, në mënyrë plotësuese do të sigurohen video xhirime nga kamerat e sigurisë të vendosura në afërsi të Ministrisë së drejtësisë, Kuvendit dhe monumentit „Prometeu“ për periudhën prej 18 deri në ora 22 kur sipas MPB, janë kryer dëmtimet./Telegrafi/