Nga qyteza e Malishevës, që ndryshe njihet edhe si bastioni i NISMA-s, për të marrë pjesë në protestën e organizuar nga AAK dhe NISMA, qytetarët janë organizuar, dhe janë nisur për Prishtinë, me 20 autobusë, 1 kombibus dhe rreth 40 makina.
Këtë e ka konfirmuar, Ragip Begaj, që është edhe kryetar i komunës së Malishevës nga radhët e NISMA për Kosovën.
Në protestë, AAK dhe NISMA do të kërkojnë nga qeveria tërheqjen e marrëveshjes me Serbinë për themelimin e Asociacionit të Komunave me Shumicë Serbe dhe asaj me Malin e Zi për demarkacionin e kufirit.
Kjo është protesta e parë e cila mbahet pas ndarjes së bllokut opozitar, meqë Vetëvendosje është larguar nga blloku opozitar dhe nuk e ka mbështetur protestën e sotme.
- Advertisement -
