Në Vushtrri u lëshua në përdorim objekti i ri ,i cili ka një rëndësi të veçantë, sepse ofron përshpejtimin e procedurave për pajisje me dokumente personale, si pasaporta,letërnjoftime dhe patentë shoferi, njofton Komuna e Vushtrrisë përmes faqes zyrtare.
Qytetarët e Komunës së Vushtrrise, tash e tutje nuk do udhëtojnë për në Mitrovicë për regjistrimin e automjeteve, sepse këtë shërbim mundë ta marrin këtu.
Objekti me një sipërfaqe rreth 1.000 metra katrorë, u ndërtua më mjete të MPB dhe ka kushtuar afër 240.000 euro. Sipas fjalëve të Ilaz Osmanit, kordinator i QDP, në këtë objekt punojnë 12 punëtorë, të cilët prej orës 8 e 30 deri në 15 e 30 u ofrojnë qytetarëve shërbim cilësor, efikas dhe të shpejt në pajisjen e dokumenteve të ndryshme.
