Ministri i Mjedisit dhe Planifikimit Hapësinor, Ferid Agani, ka vizituar të hënën, Komunën e Vitisë, ku u prit nga kryetari i kësaj komune, Sokol Haliti.
Ministri Agani, u njoftua për së afërmi nga kryetari Haliti, për gjendjen e krijuar në këtë rajon pas vërshimeve të fundit, duke shprehur shqetësimin e tij, por edhe përkushtimin për tejkalimin e gjendjes, e cila llogaritet tejet e rëndë, njofton kumtesa ministrore.
Pas njoftimin me situatën, ministri i MMPH-së, Ferid Agani, së bashku me kryetarin Sokol Halitin, vizituan rajonin e prekur nga vërshimet e fundit, të cilat po krijohen si pasojë e daljes nga shtrati të lumit Morava e Binçës.
Pas inspektimit të situatës, Agani dhe Haliti, u dakorduan, që për tejkalimin e kësaj situate, kërkohet urgjentisht rregullimi i shtratit të lumit Morava e Binçës, e cila shpeshherë po shkakton përmbytje dhe dëme në tokat bujqësore në Viti.
- Advertisement -
