Akademi Përkujtimore më rastin e shënimit të 17 vjetorit të betejës së Likoshanit dhe Qirezit

Më rastin e shënimit të 17 vjetorit të betejës së Likoshanit dhe të Qirezit, Komuna e Drenasit në bashkëpunim me Komunën e Skenderajt organizojnë akademi përkujtimore. Akademia përkujtimore do të mbahet me 28.02.2015 (e shtunë) duke filluar nga ora 12:00 në Sallën e Kulturës në Drenas, ndërsa homazhe në varreza do të behët nga ora 10:30.  Ndaj ftohën të gjithë qytetarët e Komunës së Drenasit dhe të Komunës së Skenderajt të marrin pjesë në këtë akademi.

Beteja e Qirezit dhe Likoshanit është ndër ngjarjet më të mëdha dhe me bujë, që ka ndodhur gjatë luftës çlirimtare në Kosovë. Bilanci i kësaj beteje ishte 24 të rënë. Lufta e zhvilluar në këtë vend ringjalli vetëdijen e shqiptarëve se lufta për çlirimin e Kosovës do të ishte luftë e përgjakshme dhe që kërkonte sakrifica sublime. Kjo ngjarje i parapriu Epopesë së lavdishme të UÇK të 5, 6 dhe 7 marsit të vitit 1998 ku ra heroikisht Komandanti Legjendar Adem Jashari dhe familja heroike Jashari.

Manifestimimet kushtuar Betejes së Qirezit dhe Likoshanit organizohet si zakonisht si bashkëorganzim nga komunat Skenderaj dhe Drenas.