Samsung është kompania që krijon telefonat inteligjentë Android më popullorë në botë, dhe, edhe pse ka pasur rënie të profiteve këto muajt e fundit, e gjithë vëmendja u është kushtuar Galaxy S6 dhe Galaxy S6 Edge, që mund të ndryshojnë kursin për Samsung-un.
Por, e dinit kuptimin etimologjik të fjalës “Samsung”? Meqë nuk e dimë gjuhën koreane, nuk dimë ta përkthejmë këtë fjalë. Në gjuhën koreane fjala Samsung përkthehet “tre yje”. Sipas krokodili.al, ky emër është përzgjedhur nga themeluesi i Samsung-ut, Lee Byung-chull, me idenë se një ditë kompania do të bëhej e fuqishme dhe e përjetshme, siç janë yjet në qiell.
Por, pse pikërisht tre, çlidhje ka numri tre me suksesin, pse jo dy ose katër? Arsyeja lidhet sërish me gjuhën koreane, ku numri tre është përdorur si simbol që përfaqëson diçka të madhe dhe të fuqishme. Aspirimi i Samsung-ut për t’u bërë e madhe dhe e fuqishme ka qenë që në fillim.
- Advertisement -
