Të dielën delegatët e LDK-së do të mblidhen për...
Drejtoria e Integrimeve dhe Mirëqenies Sociale, ka pranuar 100 pako ushqimore-higjienike, nga organizata humanitare ASVI nga Italia, e cila vepron dhe ndihmon në Kosovë që nga pas lufta.
Drejtori i kësaj drejtorie, Mensur Beqiri, njofton se drejtoria ka arritur marrëveshje me ASVI, me të cilën kjo e fundit ka marrë përsipër që çdo dy muaj t’i dhuroj kësaj drejtorie, nga 50 pako ushqimore për raste sociale.
Ndërkaq, rreth 80 pako me veshmbathje për rastet sociale, janë dhuruar nga Komuna e Valfabrica Itali, rajoni i Umbria.
Javën e kaluar KFOR-i zviceran i ka dhuruar Drejtorisë së Integrimeve dhe Mirëqenies Sociale, 100 dhurata shkollore për fëmije jetim dhe familje nevojtare.
Drejtori i Drejtorisë së Integrimeve dhe Mirëqenies Sociale, Mensur Beqiri, falënderon të gjithë ata të cilët kontribuojnë në zbutjen e gjendjes së vështirë socio-ekonomike në Komunën e Mitrovicës, dhe shpreh përkushtim të madh rreth bashkëpunimit me organizata të huaja.
