Një pilot dhe bashkëshortja e tij kanë përdorur iPad-et e tyre për të fluturuar 80 milje pa asnjë kontakt me kullën e kontrollit për ta ulur aeroplanin të sigurtë në Wisconsin të SHBA-ve. Aeroplani i vogël bëri ulje të sigurtë pa rrotat e uljes pas një dështimi elektrik.
Ngjarje kishte ndodhur të Premten e javës së shkuar kur pas problemit të shfaqur, çifti kishte arritur të fluturonte në drejtim të një aeroporti rajonal duke përdorur iPad-in për navigim. I gjithë kontrolli në aeroplan kishte humbur dhe e vetmja gjë që zotëronte çifti ishte altimetri dhe shpejtësia, raporton Pc World Albanian.
Ata nuk ishin në gjendje që të lajmëronin kullën e kontrollit të aeroportit dhe arritën të ulnin aeroplanin në një pjesë të pistës ku ishte më pak e zënë. Zyrtarët thane se një ulje e tillë kërkon aftësi të larta drejtimi. Diçka e tillë ishte e padëgjuar për ta.
- Advertisement -
