7 ditë vetizolim për mërgimtarët që janë të infektuar me Covid
Shtatë ditë vetizolim për mërgimtarët që janë të infektuar me Covid.
Derisa Kosova po përballet me një numër të madh të rasteve me Covid-19, shumë mërgimtarë kanë zgjedhur që të vijnë në atdhe dhe të kalojnë pushimet dimërore me familjarët e tyre, shkruan Gazeta Metro.
Derisa mërgimtarët që vijnë nga vendet e Evropës ku potencialisht numri i rasteve është i madh dhe janë në listë e ICDC’së, ata duhet të kenë me vete edhe testin negativ apo besueshmërinë se ai person nuk është i infektuar me koronavirus.
Këtë po e thotë ministri i Shëndetësisë, Armend Zemaj, i cili deklaroi se nëse ndonjë qytetarë vjen nga shtetet e Evropës i infektuar, ai duhet të karantinohet për shtatë ditë në shtëpi.
Lexo edheRamush Haradinaj kërkon të hiqet “ora policore” gjatë kohës sa mërgimtarët janë në Kosovë
“Çdo qytetarë që nuk është banorë i Kosovës dhe vjen nga shtetet që potencialisht janë shpërndarës të infeksionit dhe janë në listën e ICDC-së, ne kemi si masë atë që quhet testi negativ apo besueshmërinë se ai person nuk është i infektuar. Ndryshe nëse ai afrohet afër kufirit ajrorë apo tokësorë rekomandohet që të shkojë në vet izolim derisa brenda shtatë ditëve ai vlerësohet se nuk është i sëmurë dhe mund të zhvillojë aktivitetin normal jetësorë”, deklaroi Zemaj për RTV 21.
Zemaj gjithashtu theksoi se, pavarësisht rënies së numrit të të infektuarve me Covid-19, aktualisht s’do të ketë lehtësim të masave.
