Në Gjykatën Speciale të Hagës po mbahet seanca e gjykimit për ish-kreun e Kuvendit dhe ish-kreun e PDK-së, Kadri Veseli.
Seanca nisi me prezantimin e tij para gjykatës.
Gjykatës i procedurës paraprake ka konfirmuar se ndaj Veselit rëndojnë gjashtë akuza për krime kundër-njerëzimit si dhe 4 të tjera për krime lufte.
“Gjashtë akuza për krime kundër-njerëzimit, përndjekje, burgosje, akte të tjera çnjerëzore, torturë, vrasje, zhdukje me forcë e personave, si dhe katër akuza për krime lufte: ndalim arbitrar, trajtim mizor, torturë dhe vrasje e paligjshme”, ka thënë gjykatës i procedurës paraprake Nicolas Guilloa.
- Advertisement -
