- Advertisement -
Gjykata Themelore në Mitrovicë ka aprovuar kërkesën e Prokurorisë Themelore për caktimin e masës së paraburgimit ndaj të pandehurit Vidosav Mitroviq, i cili dyshohet për përfshirje në rastin e tentimvrasjes dhe rrëmbimit të Milan Vukashinoviqit.
Sipas njoftimit zyrtar nga gjykata, ndaj Mitroviqit është caktuar masa e paraburgimit në kohëzgjatje prej një muaji, përkatësisht nga data 20 dhjetor 2025 deri më 19 janar 2026.
- Advertisement -
Gjykata vlerëson se caktimi i paraburgimit është i nevojshëm për shkak të dyshimit të bazuar për kryerjen e veprave penale, si dhe për të shmangur rrezikun e ndikimit në dëshmitarë, pengimin e procedurës penale apo ikjen e të pandehurit.
Ndaj këtij aktvendimi, palët kanë të drejtë ankese brenda afatit ligjor prej 48 orësh nga pranimi i vendimit, ndërsa ankesa i drejtohet Gjykatës së Apelit të Kosovës përmes Gjykatës Themelore në Mitrovicë.
Hetimet lidhur me këtë rast janë në vazhdim. /Lajmi.net/
- Advertisement -
