Enët e kuzhinës kërkojnë një kujdes të veçantë qoftë me përdorimin, qoftë me mënyrën e pastrimit të tyre. Shpesh, nga pakujdesia mund t’u jenë derdhur ushqimet teksa i gatuani. Kështu, u është dashur të merreni më gjatë me to për t’i pastruar.
Ndonjëherë mund të mos ia keni arritur qëllimit dhe i keni hedhur poshtë pas shumë përpjekjeve për t’i bërë ato të duken si të reja. Por, nuk keni pse të shqetësoheni më për këtë, sepse me këto 2 metoda merr fund problem i pastrimit të tenxhereve të djegura (në pjesën e jashtme).
Kripë
Lërini gjatë natës tenxheret e djegura në një enë të madhe me ujë dhe kripë. Të nesërmen vendosini në zjarr të vlojnë dhe më pas fërkojini ato mirë me një sfungjer dhe rrjetë të ashpër.
Mund edhe të aplikoni kripë direkt në të dhe t’i pastroni ato në moment. Shpëlajini me ujë dhe fshijini me një peshqir të thatë.
Gjithashtu, mund të merrni rreth ¼ filaxh kripë, ta hidhni mbi tenxhere dhe t’i pastroni ato me një furçë të fortë teli. Pastrojini dhe më pas aplikoni mbi to pak vaj susami që mund ta gjeni në supermarket (ose vaj tjetër) për t’ju dhënë atyre shkëlqim.
Uthull
Mjafton të merrni 1 filxhan çaji uthull molle dhe 2 lugë gjelle sheqer dhe ti miksoni sëbashku. Hidheni përzierjen në një enë të sheshtë dhe vendosni mbi të tenxheret e djegura dhe lërini për rreth 1 orë ose edhe më shumë.
Përdorni një sfungjer ose një furçë, pastrojini ato ngadalë dhe më pas shpëlajini me ujë të pastër.
