18-vjeçarja nga komuna e Klinës, D.C, që i shkroi letër lamtumirëse familjes së saj, është kthyer në shtëpi. Policia ka konfirmuar se ajo është gjetur mbrëmë rreth orës 18:00 në qytetin e Gjakovës. Gjendja shëndetësore e vajzës është e mirë, tha policia.
D.C ishte raportuar e zhdukur në polici nga prindi i saj. Por, pas më shumë se 24 orëve jashtë shtëpise, ajo u gjet në Gjakovë. Lajmin e ka konfirmuar, zyrtari për informim nga policia rajonale e Pejës, Xhevat Ibra.
“Vajza është gjetur mbrëmë rreth orës 18:00 në Gjakovë, gjendja e saj shëndetësore është e mirë”, tha Ibra.
Motivet që e çuan vajzën të largohej nga shtëpia nuk dihen. Sidoqoftë, ajo përmes një letre e kishte njoftuar familjen se dëshironte të fillonte një jetë të re. U kishte thënë se nuk po martohej por po ikte nga shtëpia për të jetuar jetën që ajo e do, pa treguar ndonjë tjetër detaj.
Gjatë ditës së djeshme, prindi i saj kishte deklaruar se vajza e tij nuk ishte e shumë e shoqëruar dhe dilte rrallë në qytet. Ai tha se vajza e tij s’ka bërë fjalë me askënd, ndërsa para katër ditësh më 18 qershor D.C i kishte mbushur 18 vjet.
Letra e plotë e vajzës që shokoi familjen:
