1500 pako ushqimore e higjienike nga buxheti i komunës së Skenderajt për familjet në nevojë

Sot, në prag të muajit të shenjtë të Ramazanit, ka filluar shpërndarja e 1500 pakove ushqimore për familjet në nevojë, në këtë situatë emergjente.

Që nga fillimi i epidemisë në Kosovë e deri me tani, me përkrahjen e donatorëve të shumtë janë shpërndarë pako ushqimore dhe higjienike për 850 familje me asistencë sociale në komunën tonë.

“Sot, nga buxheti i komunës po shpërndajmë 1500 pako ushqimore e higjienike për familjet pa të ardhura të rregullta mujore, të cilat në këtë situatë kanë mbetur pa këto të ardhura si dhe për familjet nga kategoritë tjera në nevojë”, ka deklaruar kryetari i Komunës së Skenderajt, Bekim Jashari.