11 të burgosur janë infektuar me sëmundjen e zgjebes, apo siç njihet në gjuhën popullore si “zhuga”, ka konfirmuar Nehat Thaçi, drejtor i Shërbimit Korrektues të Kosovës.
Thaçi, në një intervistë për T7, ka konfirmuar se 11 të burgosurit e infektuar me këtë sëmundje janë izoluar në ambientet e burgjeve të vendit.
“Në burgun e Dubraves 11 te infektuar me zgjebe, sëmundjen e njohur si zhuga Jane izoluar 11 veta ne burg”, ka thënë Thaçi.
Drejtori i burgjeve ka njoftuar se janë identifikuar hapësirat ku 11 të infektuarit kanë lëvizur, si dhe, të njëjtat hapësira janë dezinfektuar.
“Janë dezinfektuar hapësirat ku kanë qëndruar. Mundesia për zgjerimin e zgjebës është minimale. Kjo ndodh shpesh sepse shpesh te burgosurit e sjellin nga jashtë”, ka thënë Nehat Thaçi.
Zgjeba është një sëmundje ngjitëse parazitare që në vendin tonë ka shkuar drejt zhdukjes së plotë, si rezultat i masave të rrepta që janë marrë në rritjen e kulturës shëndetësore të popullatës.
Mjekimi i zgjebes në vendin tonë është i detyrueshëm dhe falas për tërë familjarët e sëmurë.
