Kryeministri në detyrë i Kosovës, z. Avdullah Hoti është njoftuar nga Qendra e Situatave e Këshillit të Sigurisë së Kosovës, se është duke e përcjellë nga afër gjendjen në teren, pas reshjeve të orëve të fundit që kanë rënë mbi vendin tonë.
Sipas këtij raporti gjendja paraqitet e rënduar me vërshime dhe bllokim të disa rrugëve, ngritje të nivelit të ujit, dalje nga shtrati i disa lumenjve dhe rrëshqitje të dheut për shkak të reshjeve atmosferike.
Deri më tani nuk ka pasur asnjë kërkesë nga mekanizat lokal për mbështetje nga Qendra e Situatave e Këshillit të Sigurisë së Kosovës.
